Гэты сайт прызначаны для камунікавання беларускіх грамадзян з афіцыйнымі дэпутатамі ці альтэрнатыўнымі кандыдытамі. Выберыце акругу, адпраўце зварот, ацаніце працу і адказ. Падрабязней тут.

База альтэрнатыўных кандыдатаў увесь час дапаўняецца. Калі Вы хочаце стаць альтэрнатыўным кандыдатам і дапамагаць жыхарам сваёй акругі ў вырашэнні праблем - пішыце нам


Нечарговае паседжаньне Палаты прадстаўнікоў аб кандыдатуры прэм’ера не плянуецца

28.08.2018


Крыніца: "Радыё Свабода"

 

Нечарговае паседжаньне Палаты прадстаўнікоў, на якім дэпутаты павінны альбо даць згоду на прызначэньне кіраўніком беларускага ўраду Сяргея Румаса, альбо адмовіць у такім жаданьні Аляксандру Лукашэнку, не прадугледжваецца.

 

Пра гэта 28 жніўня карэспандэнту Свабоды сказалі адразу некалькі дэпутатаў. Учора пасьля працы ў сваіх акругах яны вярнуліся ў Менск.

Адмову склікаць нечарговае паседжаньне суразмоўцы Свабоды абгрунтавалі дзьвюма прычынамі.

Па-першае, працэдура правядзеньня нечарговай сэсіі ў такіх выпадках дакладна не прапісаная, па-другое, 2 кастрычніка пачынаецца чарговая сэсія.

18 жніўня Аляксандар Лукашэнка прызначыў новага прэм’ер-міністра і шэраг ключавых міністраў, практычна цалкам абнавіўшы верхавіну ўраду.